يــوم الــوطن مــاهو مثل كل الايام
لــه مــنزله عــليا ولــه شــانٍ كــبير
يــوم الوطن ماهو حسابات وارقام
عمر الشعب عمره من كبير وصغير
فــيه نــتباها ونــفتخر بــين الانــام
والــيــا ضــما دمــائنا كــنها بــير
نــقدم ليا احتاج الوطن مننا اقدام
بــارواحنا وامــوالنا بــدون تــأخير
لــلــمملكه بــاجسادنا درع وحــزام
الـــدار دونـــه مــاتــفيد الــمعاذير
نــصير في حد الوطن مثل الالغام
ونــفجر الــلي يــعتدي فــيه تفجير
حــقيقة مــاهي خــرافات واوهــام
نــفخر به وله نحضر بدون تقصير
حــنــا وطــنا قــبله لــكل الاســلام
حــنــا وطــنا غــير وحــكومته غــير
يــرفع عــلمنا يــوم تنكيس الاعلام
ويــزبــن الــمضيوم ويــعدل الــسير
فــي حــكم اخو نوره ليا قال قدام
قــدام كل الشعب في حكمه يسير
ســلمان سلمان العرب شرقٍ وشام
يــامر عــلى الــعالم وماقاله يصير
ونــجله ولــي الــعهد لــلضد لــطام
مــحمد بــس اســمه يهز الطوابير
ضــرغام ومعنز على راس ضرغام
مــايشبه الا اجــبال ابانات والنير
فــيه مــن اخــو نوره معزي ليا قام
عــبدالعزيز الــلي ســيوفه بــواتير
حــكيم راي وصــلف يــمنا ومقدام
ويسخر العالم على رضاه تسخير
تــحققت فــي عــهدهم كل الاحلام
ويــدبــرون امــورنــا خــير تــدبير
حــب الوطن بصدورنا نعلقه وسام
مــاهــو كـــلام نــعلقه بــالمسامير
