رافع الشمراني - الرياض
ياللي خذيتي القلب والفكر والروح
وش عاد باقي بالجسد ماخذيتيه
قلبي معك هايمٍ شوق وينوح
ضامي ولا يرويه عشقٍ سقيتيه
والفكر شارد بين ضلعان وسفوح
يرقب خطاك وكل دربٍ مشيتيه
والروح تسري تالي الليل وتروح
يمك تداري كل دمعٍ ذرفتيه
الحب صرح ، وحبك إنتي بنى صروح
بيرق غلا في خافقي لك ركزتيه
ولاعاد باقي بي شيٍ يروح
غير النظر والظاهر انك خذيتيه
الشاعر /. تركي بن هندي الشمراني
